अशी कल्पना करा की एका तलावाच्या पृष्ठभागावर वॉटर लिलीची पाने तरंगत आहेत. या पानांची संख्या दर दिवशी आदल्या दिवशीच्या दुप्पटीने वाढत आहे. आणि तुम्ही वेळीच त्याकडे लक्ष दिले नाही तर 30 दिवसात संपूर्ण तलाव या पानांनी भरून जाईल, ज्यामुळे तलावातील इतर जीव देखील गुदमरून मृत्यू पावतील. सुरुवातीला तुम्हाला ही पाने खूपच लहान वाटतात त्यामुळे तुम्ही ठरवता की जेव्हा तलाव अर्धा व्यापेल तेव्हाच ती पाने तोडून टाकू. अश्या परिस्थितीत, तलाव पूर्णपणे पानांनी भरण्यापासून वाचवण्यासाठी तुमच्याकडे किती दिवस असतील असे तुम्हाला वाटते?

अश्यावेळी तुमच्याकडे असेल फक्त एक दिवस! पानांची संख्या दर दिवशी आदल्या दिवशीच्या दुप्पटीने वाढत आहे, म्हणजेच ३० व्या दिवशी तलाव पूर्ण भरणार असेल तर, आदल्या दिवशी म्हणजेच २९ व्या दिवशी तो अर्धा भरलेला असेल.

आता आणखी एक उदाहरण पाहू. एक मोठा जाड कागदाचा तुकडा  घेऊन तो अर्ध्यातून दुमडा. त्यांनतर पुन्हा एकदा दुमडा. असे प्रत्येक वेळी  दुमडल्याने त्या कागदी तुकड्याची जाडी आधीपेक्षा दुप्पट होत जाईल. जेव्हा तुम्ही तो चौथ्या वेळी दुमडाल तेव्हा त्याची जाडी मूळ जाडीच्या १६ पट म्हणजे जवळपास १ से.मी. झालेली असेल.
असे करत करत तो कागद एकूण ३३ वेळा अर्ध्यातुन  दुमडल्यानंतर त्याची जाडी किती झालेली असेल असे तुम्हाला वाटते? अर्थात तुम्ही कुठल्याही कागदाचा तुकडा ३३ वेळा दुमडू शकणार नाही, पण जर तुम्ही तशी कल्पना केली तर त्याची जाडी असेल जवळपास ५४०० किमी!

कुठलीही गोष्ट आपल्याला  चकित करणाऱ्या दराने, अगदी कमी कालावधीमध्ये खूप मोठ्या संख्येने वाढण्याच्या प्रक्रियेला घातांकिय वाढ असे म्हणले जाते. ही वाढ आपल्याला सहज फसवू शकते, कारण आपण खूपदा वाढीचा विचार करताना एकरेषिय वाढीबद्दलच विचार करतो. कुठलाही घटक दिलेल्या वेळेत ठराविक प्रमाणात  वाढण्याच्या प्रक्रियेला एकरेशीय वाढ असे म्हणले जाते. पर्यायीपणे आपण असे म्हणू शकतो की एखादा घटक जर एकरेशिय पद्धतीने वाढत असेल तर, दिलेल्या ठराविक वेळांच्या संचांमध्ये तो समान संख्येनेच वाढतो. आधीची वाढ त्याच्या नवीन वाढीवर कुठलाही प्रभाव टाकत नाही. उदा. एखादा बांधकाम करणार गट प्रत्येक आठवड्याला एक किमी रोड बांधत असेल तर तो चार आठवड्यात चार किमी रोड बांधेल. यात नव्याने बांधल्या जाणाऱ्या रोडच्या लांबीचा आधीच्या लांबीशी काहीही संबंध येत नाही.


याउलट जेव्हा एखाद्या गोष्टीचा वाढीचा दर हा त्या गोष्टीचा आधीच असणाऱ्या संख्येशी समानुपाती असतो तेव्हा त्या वाढीला आपण घातांकीय वाढ असे म्हणतो. जसे की सुरुवातीच्या उदाहरणात आपण पाहिले की लिली ची पाने “आदल्या दिवशीच्या दुप्पटीने” वाढत होती किंवा प्रत्येक वेळी दुमडल्यानंतर कागदाची जाडी “आधीपेक्षा दुप्पट” होत होती.

एकरेशिय वाढ आपल्याला उपजतपणे समजते, पण घातंकीय वाढीबद्दल आपली समज तितकीशी विकसित नसते. असे का होते? कारण आपल्याला पूर्वीपासून त्याची कधी गरजच पडली नाही. बहुतांश वेळा आपल्या पूर्वजांनी एकरेशीय वाढच अनुभवली. जसे की, जो जास्त वेळ फळ शोधण्यात घालवेल त्याला जास्त फळ मिळतील, जर एका प्राण्या ऐवजी दोन प्राण्यांची शिकार केली तर जास्त दिवस मांस पुरेल.

परंतु आज खूप साऱ्या गोष्टी घातंकीय पद्धतीने वाढताना दिसतात. आणि बऱ्याच वेळा त्याचे आकलन करण्यात आपण कमी पडतो.
उदा. जर एखाद्या वर्तमानपत्रात बातमी आली की रस्त्यावर होणाऱ्या अपघातांच्या संख्येत दरवर्षी ७ % ची वाढ होत आहे, तर याचा नक्की काय अर्थ होतो हे आपल्याला तितकसं लवकर उमजनार नाही. परंतु जर तुम्ही गणकयंत्र  वापरून हे सोडवण्याचा प्रयत्न केलात तर तुम्हाला जाणवेल की रस्त्यावरील होणाऱ्या अपघातांची संख्या दर दहा वर्षात दुप्पट होत आहे!

कुठलीही भौतिक गोष्ट जी घातंकीय पद्धतीने वाढत जाते ती अगणित रित्या वाढतच जाईल का मग? तर याचे उत्तर नक्कीच नाही असे असेल. उदाहणार्थ :- आपल्या आतड्यांमध्ये आढळणारा ई कॉली हा जीवाणू दर २० मिनिटांनी विभाजन पावतो. अगदी काही दिवसात तो पूर्ण पृथ्वीवर व्यापू शकतो, पण त्याला उपलब्ध असणाऱ्या शर्करा आणि प्राणवायू पेक्षा जास्तीची गरज लागते आणि त्याची अगणित वाढ होण्यापासून रोखली जाते. अश्याच प्रकारे प्रत्येक भौतिक गोष्टीच्या वाढीला काही ना काही  मर्यादा असतात.

प्राचीन लोककथांमधे घातंकीय वाढीबद्दल एक मजेशीर गोष्ट सांगितली जाते. एका राजाच्या दरबारातील एक खुशामत्या राजाला स्वतःच्या हाताने बनवलेला एक सुंदर बुद्धिबळाचा पट भेट म्हणून देतो. यावर राजा खुश होऊन त्या खुशामत्याला पाहिजे ते मागण्यास सांगतो. यावर खुशामत्या म्हणतो , “मला जास्त काही नको, फक्त या पटावर मावतील एवढेच तांदूळ द्या. फक्त एकच अट आहे की, पहिल्या घरात एक दाणा, त्यापुढील घरात २ दाणे, आणि मग पुढील प्रत्येक घरात आधीच्या घरातल्या पेक्षा दुप्पट दाणे असे द्यावे.” 

राजाला वाटते की किती कमी अपेक्षा आहेत या खुशामत्याच्या. फार फार तर एक पोत तांदूळ असेच देऊन टाकू आपण याला. पण जेव्हा राजाचे कर्मचारी खुशामत्याच्या अटी प्रमाणे तांदूळ भरू लागले तेव्हा त्यांना लक्षात आले की खुशामत्याने मागितलेले तांदूळ कदाचित या संपूर्ण पृथ्वीवर देखील नसतील!!!

 

मांडणी – प्रवीण डोनगावे

प्रिय वाचक, खालील कमेंट सेक्शनमध्ये आपले अभिप्राय जरूर नोंदवा. असे लेख मराठी भाषेमध्ये आणण्यासाठी जर तुम्ही मदत करू इच्छिता तर जरूर संपर्क करा.

Spread the love

Subscribe for future blog post updates!


1 Comment

Leave Comment

Your email address will not be published. Required fields are marked *

thirteen − 11 =